公眾討論區
  公眾專科討論
  問問醫生
   
帳號
密碼
 
忘記密碼
還未成為會員?按此登記

義務醫療顧問


MyDRDR首頁
  facebook




公眾討論區   問問醫生 > 皮膚專科 (Dermatology)
討論區:

皮膚專科 (Dermatology)

題目:

問陳耀海醫生 謝謝

英漢字典     在Facebook上分享



MyDRDR 宗旨:細心、認真、有耐性、有醫德


問問醫生討論區守則 :
1.    醫生的建議僅應作為一般健康教育及參巧用途,並不能代替正式的醫生與病人面對面會診。
2.    所有問題不局限於僅由醫生作答,會員若有相關知識或經驗亦鼓勵與衆分享。
3.    致醫生的問題時有資料不足以致難以作答。若許可請盡量補充資料如年齡、性別、病歷簡介、服食藥物資料等。
4.    會員貼出的同一條問題,醫生在大部分情況下只回答一次,好讓醫生能照顧更多其他會員需要。追問的問題,不保證回答。
5.    絕大部份醫生的正式訓練語文為英文,故許多時醫生的回應有機會以英文作答,不便之處請見諒。

特別鳴謝:感謝各醫生抽出寶貴的私人時間義務參與解答醫療問題工作,令各會員及病人蒙益,不勝感激。






 1) 已申請「醫療咭」會員,可參與我們的

  
     

 2) 歡迎加入我們,大家一起學習追求健康!
      
            

回應總數 129
發表人 回應給 討論內容
sisi

2009-07-27 19:46:40
 

問陳耀海醫生 謝謝

陳醫生

請問你是否皮膚專科醫生?

我想看皮膚.關於暗瘡粉次 轉看過幾位皮膚科醫生問題仍未改變 最近還做了一次果酸換膚 但我的皮膚易紅 有時會無啦啦長蚊難的東西 之後會變成暗瘡 我試過好多外搽藥物 都是這樣 令我每天好大壓力好不開心失眠 花了大量的金錢卻得不到我想要的效果 每天上網查資料..我覺得好痛苦~ 

請問陳醫生你第一次治療的金額大約是多少?因為本人是學生身在澳門 怕來看的時間帶不夠金錢

是否要帶同之前的食過的藥 ? 用過的藥品 ? 如果我遺失了資料.問題影響治療方法會不會很嚴重呢?

如果看陳醫生你.是否要先預約??

本網站內所提供的資訊僅應作為一般教育及參巧用途,並不能替代正式的醫生與病人間面對面會診,如有任何醫療問題或事故而引起的一切法律訴訟,本網站一概不負責,亦無須負上任何法律責任。如果你有任何醫療問題,應向自己的醫生面對面查詢,而不應單倚賴本網站提供的資料。


陳耀海

2009-07-27 20:20:07
sisi

如果閣下有需要的話, 可以向皮膚專科醫生求診, 最好是帶備以往曾服用過和塗用過的藥物名稱

sisi

2009-07-27 20:30:29
陳耀海

我睇左好幾個皮膚醫生 佢地都冇講過我係玫瑰痤瘡

係近期去左一間診所話我有玫瑰痤瘡.但係佢話可以做果酸.但係我上網搵過話唔做得.

所以我唔知再唔再去做第2次

而且我D粒粒又繼續出.所以好亂 好驚晒屋企人D錢

如果可以的話 是否可以直接打電話到陳醫生到診所預約???



陳耀海

2009-07-27 20:44:15
sisi

如果真的是玫瑰痤瘡的話, 由於面部皮膚會比較敏感, 容易受到物理性刺激而變紅和潮熱

閣下之前是否向皮膚專科醫生求診?

 

sisi

2009-07-27 20:59:15
陳耀海

我不知道是不是專科.因為澳門好像沒有什麼標準明示誰是皮膚專科醫生? (我在這方面我不清楚)

我只是去有標明看皮膚的診所

但我有看過醫院的皮膚科 但是都沒有得到改善?

我最近紅面的程方有增加 我很擔心惡化的問題 但我已經沒有再食皮膚醫生食的藥物已一個月多

去做果酸的診所也沒有開藥食

 



陳耀海

2009-07-27 21:26:01
sisi

本人不肯定澳門有冇皮膚專科醫生, 不過請注意香港亦有皮膚專科和皮膚文憑醫生的分別

sisi

2009-07-28 19:21:38
陳耀海

陳醫生 我已經打電話去了約時間看你了..

30號的3點9..可能搭船時間上有小許偏差..希望陳醫生你幫到我..謝謝

sisi

2009-07-28 20:19:39
陳耀海

陳醫生 我心情真係好唔開心 呢一年內睇過好多醫生都係咁生d細細粒
我唔敢同屋企人講我想黎hk睇醫生 因為佢地話青春期好正常!話都睇左咁多醫生都唔好就唔好晒屋企d錢
話我愈睇愈衰 唔理佢會好d . 但係我真係唔想由得佢生 因為對我人際方面有好大影響 令到我冇晒自信 好驚人地停住睇我塊面 唉...d粒粒令到我日日都好唔開心..好似有情緒病咁!

想問下醫生你 睇d病人 會唔會都好似我咁? 會因為d粒粒好唔開心 ? 好大壓力.唔想見人???



陳耀海

2009-07-28 21:44:41
sisi

但凡受痤瘡問題困擾的病人都會和你一樣有社交煩惱, 其實痤瘡是毛囊性皮膚病, 並不代表"青春", 痤瘡如果處理不善, 會留下難看的疤痕和色素印, 所以不應置之不理!

sisi

2009-07-29 18:18:06
陳耀海

醫生.我上網搵到d資料.

=======================================================================

其實我是有一個方法去除粉刺,黑頭的,是一位醫師教的,但因為不是正統的方法,再加上比較複雜,一直都覺得不適合香港人的,所以我都無說出來.
但由於太多人問,所以今日都介紹給你們,你們有恆心的,可跟住做.

這個方法的基本邏輯是:當表皮角質過度乾燥時,毛孔內的角質與硬油脂混合物就更難排出了。因此以面膜保濕方式維持表皮角質的濕潤光滑,以確保角質代謝正常是必要的行為。


問題在於市售紙狀面膜的保濕力實在不佳,沒有辦法完成這樣的功能。一般膏狀面膜的清潔力通常很強,又不適合天天敷用,怎麼瓣?


目前使用的方法是尋找具有保濕與成膜作用的產品(我推薦 dr.cilabo)然後日日使用「三+一次」


早上使用一次當作保濕成份,外面再添加簡單乳液

中午使用一次,一樣外擦簡單型乳液。
晚上塗抹稍厚,之後以保鮮膜封閉,加以冷敷十五分鐘。之後移除保鮮膜,再補充一次,最後再加上一次簡單型乳液。


如果您關心粉刺的生成狀況,就會知道「粉刺是尚未溶解的角質層」;換句話說,當角質層溶解度上升時,或是因為這樣的敷面使得角質柔軟,不需用力清除,並因之減少肌膚傷害時,粉刺的生成就會減少了。


而大家使用磨砂顆粒方式作為徹底清潔是不可行的—表皮傷害遠遠大於毛孔中角質清潔效果,結果將得不償失!


以酸性煥膚作為徹底清潔的思考,基本上較磨砂方式為佳—輕微果酸敷用於肌膚上,確實可以軟化表皮與毛孔內的角質層。唯一的小缺點是不應該每日使用,以避免過度溶解與刺激。


結果好不容易輕微溶解的毛孔內角化塊,因為必須保護更薄、更脆弱的表皮角質層,只好「放任」毛孔內角質悄悄堆積…


最後大家想試用這方法請記住,保養品中不能夠摻雜可能引起粉刺現象(所謂「致痘性物質」)或毛孔堵塞(如礦物油)的成份.
 

=========================================

我睇完個心又十五十六.因為我之前清潔mask..搽醫生開ge藥高咩都用過 .. 但係d皮膚問題都一直係咁 .. 睇左又覺得好似講得幾岩...\"\"個心成日硬係唔知點咁...成日諗試下有冇奇蹟發生...我知咁真係好傻...我唔應該張面ge問題放大~~~~~~~

sisi

2009-07-29 20:13:41
陳耀海

係咪皮膚有問題都要食藥去解決???

因為用藥後..藥力過左又生過...可唔可以唔食藥用期他方法嫁??



陳耀海

2009-07-29 23:09:39
sisi

閣下所述的"網上資料"含有商業成分, 本人不便置評, 請見諒

另外, 是否需要服藥醫治痤瘡要視乎痤瘡的嚴重程度和過往對治療的反應而定, 不能一概而論



陳耀海

2009-07-29 23:09:40
sisi

閣下所述的"網上資料"含有商業成分, 本人不便置評, 請見諒

另外, 是否需要服藥醫治痤瘡要視乎痤瘡的嚴重程度和過往對治療的反應而定, 不能一概而論

sisi

2009-07-31 13:51:06
陳耀海

陳醫生~我琴日唔記得問你..防曬係咪出街戈陣搽就得嫁啦..?係屋企唔出街洗唔洗搽呀?

仲有支B5保濕係咪要係診所先有得買?一般係出面冇得買嫁?

如果我用晒戈2支板.係咪可以係出面再買返呢隻做保濕?唔該醫生



陳耀海

2009-07-31 18:42:22
sisi

如果閣下全日在室內, 可以在早上洗面後揸一次防曬

閣下可以嘗試是否可以自行購買得到B5 保濕劑, 不過請注意自己所買的是否"正貨", 如果沒有可靠的地方能買到的話, 還是到診所購買比較安全

sisi

2009-08-02 12:53:18
陳耀海

 

 

唔知點解搽完藥高再搽b5gel 有時會有d白色既 碎碎出黎??甘樣正唔正常嫁醫生??



陳耀海

2009-08-02 13:02:18
sisi

不用擔心, 請繼續用藥和B5, 不要介意這些所謂白色的"碎碎"

sisi

2009-08-07 15:08:43
陳耀海

陳醫生.你上次開左支防曬spf50 既sample 我用晒啦

我諗住再買返..我上網睇到佢戈隻系列有分spf 30 同spf 50.

spf30係咪比較適合係室內活動用多d??邊隻會岩我e+食緊藥用呀??

係咪都係早上用左防曬之後晚上用返洗面液洗就ok啦?

http://www.lrp.com.tw/products/products.asp?SeriesID=11

唔該醫生!!!!



陳耀海

2009-08-07 23:12:03
sisi

其實只要是物理性防曬, SPF>=30 和PA >= ++ 便可以了

塗用次數要視乎病人是在室內或室外, 以及是否有出汗和濕水而定, 如果是大部分時間在室外或有出汗的話, 便要相隔一段時間重新塗上防曬

sisi

2009-08-12 19:37:47
陳耀海

陳醫生~~~我係呢邊搵唔到Phyto-c 既B5GEL

得skinceuticals HydratingB5gel~~係咪2個成份都係差唔多嫁??佢都係不含油份既~~

個個牌子會唔會冇phyto-c戈隻咁好嫁?唔該醫生~~~



陳耀海

2009-08-12 22:14:57
sisi

這兩個牌子的B5 GEL 成分應該是一樣的, 都可以放心使用\"\"

sisi

2009-08-15 23:03:44
陳耀海

醫生~我食左藥2個星期啦.d粒粒好左又生返咁~塊面洗完面好干..有小小甩皮~

搽左b5gel都好干..我唔知點好呀..所以自己搽左d lotion..咁得唔得嫁??我好驚又會塞毛孔~

另外防曬好似都搵唔岩自己用既..一唔係就太干太笠,,好驚用唔岩自己既野又塞毛孔~



陳耀海

2009-08-15 23:12:59
sisi

不用太擔心, 太過焦慮對痤瘡問題有負面影響, 請繼續治療

如果使用潤膚LOTION 後沒有不適便可

防曬薄薄塗一層便可, 閣下亦可用雨傘和寛邊帽幫助抵擋陽光

請不用擔心太多和準時覆診, 總有方法可以解決閣下的問題的

sisi

2009-08-16 22:02:50
陳耀海

陳醫生..

頭先洗完面d皮膚好干.好晚晚緊.我自己驚d防曬洗唔clean.所以用左卸妝Gel先再洗面(呢個星期都係咁)

發現D皮膚又差返..所以我今晚冇搽晚夜個個暗瘡Gel~洗完面搽左b5gel同Lotion.先冇咁干.咁我洗唔洗停幾日先再搽暗瘡Gel定係繼續搽??定係我唔洗再用卸妝Gel直接洗面洗走防曬就OK??

\"\"我真係一個好麻煩既病人~~~



陳耀海

2009-08-16 23:01:55
sisi

晚上的痤瘡GEL (differin) 主要塗在粉刺和色素沉積位置(薄薄一層已足夠), 所以並不需要停止使用

當然如果覺得乾的話, 是可以塗B5 和滋潤LOTION 的

其實防曬是很容易洗淨的, 根本不需要再用卸妝GEL 再洗一次

我一點都唔覺得妳麻煩喎!  所以請放心發問, 我會盡快回覆!

sisi

2009-08-19 19:34:15
陳耀海

陳醫生..

你開戈隻洗面..係 Cetaphil oily skin  cleanser~

我搵左幾間藥方都係gentle skin cleanser ~

呢2隻係咪都係唔一樣ga????如果我搵唔到 oily skin  cleanser用gentle skin cleanser  有冇問題ga???



陳耀海

2009-08-19 21:45:59
sisi

其實GENTLE SKIN CLEANSER 也沒有問題的, 請放心使用^_^

sisi

2009-08-31 19:47:20
陳耀海

陳醫生..我d粒粒都冇點好過呀..好灰心..明明都搽足藥高..日日食藥..都係咁..好想快d再黎覆診睇d粒粒..不過都等9月11號..聽日開學啦...本身諗住可以係暑假好番d..但係個結果都好令人失望\"\"



陳耀海

2009-08-31 22:14:56
sisi

不用灰心, 還有其他的方法, 要向好的方向想, 總有解決方法的\"\"

sisi

2009-09-01 21:23:58
陳耀海

陳醫生~原來我仲有8~9日藥就食完啦...要提早d黎覆診...不過要等有學校ge出左下星期既時間表先可以再約實日期

我唔想再食藥啦...因為我覺得冇咩幫助...都係一樣咁生...a酸藥高勁d 定係果酸既好d嫁??因為我有d想試下用果酸既野~~~



陳耀海

2009-09-01 23:00:04
sisi

之前建議的DIFFERIN 已經是外塗第二代A酸了

上次建議的口服藥只是紅霉素, 到覆診的時候會再為檢查, 如果有需要的話, 有其他藥物可以比較有效去除粉刺(黑白頭)的, 請不要胡亂買果酸產品自行使用, 以免不小心弄傷皮膚, 反而令情況更糟

其實治療尋常痤瘡有時需要點耐性的, 請信賴有專科資格的醫生

sisi

2009-09-06 00:07:54
陳耀海

陳醫生.我本身約左11號既10:15嫁.不過我戈日朝早都要返學.可唔可以改10號星期四既10:15呀?



陳耀海

2009-09-06 08:17:58
sisi

改覆診期請與閣下的醫務診所聯絡便可

sisi

2009-09-10 10:27:22
陳耀海

陳醫生..我今朝發行左小小意外..我搭錯車去唔到碼頭=口=...miss左9:15班船..我晏d又要返學我唔想咁趕所以我搭返車返屋企啦..唔好意思呀陳醫生..我太大蒙啦..又要再約過d時間啦...我要去到星期2早上先唔洗返學...下星期2既10:15可唔可以呀??醫生你之前話食戈隻藥唔可以stop..咁我停左幾日有冇問題嫁??唔該醫生!!



陳耀海

2009-09-10 13:22:54
sisi

改覆診期請與閣下的醫務診所聯絡便可

sisi

2009-09-11 12:09:26
陳耀海

好既..我會再打去約時間嫁啦..咁停左幾日藥有冇問題嫁??唔該醫生~\"\"



陳耀海

2009-09-11 13:42:52
sisi

冇問題的, 不用擔心, 請準時覆診



陳耀海

2009-09-17 21:12:08
sisi

服用A酸後, 皮膚皮脂分泌會減少, 所以要

1. 多用保濕劑和潤膚露(特別注意身上和四肢)

2. 做更嚴謹防曬(減少陽光照射, 和多用防曬)

3. 多塗潤唇膏和多喝開水

4. 不要挖鼻

A酸要晚飯後服用, 並且在服藥療程中, 不要喝酒

服藥後初期(可能是數個星期), 面上可能出現更多粉刺, 但不用擔心, 要繼續治療至覆診\"\"

 

sisi

2009-09-26 10:58:18
陳耀海

唔該陳醫生..我要注意呢幾點嫁啦!\"\"
係真係會多左粉刺..不過我會繼續嫁~!

sisi

2009-10-25 22:21:18
陳耀海

醫生...我塊面好紅好紅a...粉紅色咁....點解會咁既???食左a酸一個月都未試過咁嫁..好紅\"\"



陳耀海

2009-10-26 10:25:38
sisi

因為濕度現在明顯比早前下降, 所以一定要做好保濕, 要比之前塗上更多潤膚劑和露

另外, 防曬也非常之重要, 雖然現在太陽沒有之前猛烈, 但也不可以掉以輕心

此外, 有部分病人在服用A酸後會有較明顯的面紅情況, 不過不用擔心, 在停藥後自會消退

還有一點是, 閣下可以暫時停用DIFFERIN GEL, 待發紅情況減退後再重新使用

只要繼續依時服用藥, 把整個療程完成, 閣下的痤瘡問題便會得較完善和持久的控制, 要努力呀\"\"

 

 

sisi

2009-11-11 22:00:46
陳耀海

陳醫生..最近呢幾日我多返d細細粒粉次呀! 仲出返d面油..又會面紅wo..

好擔心又會好似之前咁好多粒粒\"\"我有依時食藥嫁!點解會咁既??



陳耀海

2009-11-11 22:46:51
sisi

不用擔心, 要服完整個療程情況才會穏定, 最重要是做好保濕和防曬

如果有細細粒的粉刺, 可以塗用DIFFERIN\"\"

sisi

2009-11-19 22:31:35
陳耀海

陳醫生..我食緊呢隻藥係咪一定要食埋降膽固醇藥嫁??因為我成日唔記得都飯前食佢..

下一次再黎可唔可以唔開呢隻藥一齊食嫁??因為有d貴同埋我又成日唔記得食..

仲有一個問題~~面豬成日都紅..但係佢係紅一陣又唔紅戈隻..即係代表咩呀???唔夠保濕??

唔該陳醫生\"\"



陳耀海

2009-11-19 23:03:06
sisi

唔記得食唔係停藥的理由吧, 請準時服藥

另外, "一時唔紅一時紅" 已經比之前"一直紅"有進步了!\"\"

請多做保濕和防曬 和準時覆診

唔使唔該\"\"

sisi

2009-11-19 23:52:02
陳耀海

係呀..我仲發覺有一個問題..成日面紅完呢..之後唔紅戈陣..佢會留左個紅點印係到..好似暗瘡印咁嫁..有時係紅點..有時係紅色一達..搞到塊面好花咁..但又唔係生暗瘡...但又會有印..陳醫生你有冇見過食呢隻藥既病人都好似我咁既情況嫁?

不過我星期六會黎覆診!到時可以比醫生你睇到係點嫁啦



陳耀海

2009-11-20 00:00:17

難以單憑文字描述下判斷, 請在覆診時告知在下

sisi

2009-12-01 00:41:44
陳耀海

醫生..琴晚開始到e+生左好多紅色粒粒a..好很ar...好辛苦>< 點解間唔中都係咁既



陳耀海

2009-12-01 08:56:45
sisi

因為乾燥有機會引起痕癢, 保濕不足也可能令皮膚出現濕疹; 請勿搔抓皮膚和多做保濕

如果仍然有痕癢, 請到醫生處求診, 待醫生處方抗組織胺以減少痕癢

sisi

2009-12-03 10:51:05
陳耀海

陳醫生我搽左隻你開既類固醇藥高 已經唔怕咁行啦..但係我搽真係好小量小量..但佢都好似好傷皮膚咁..因為一面紅..搽左既地方特別紅..仲令面紅次數多左同紅左..冇搽既地方一達就白左一達..成塊面咁一達達..d濕疹係面豬到留左好多印..\"\"塊面好花

係咪我保濕做得唔夠呢?t字位好小有呢個有濕疹..痕呀呢個問題嫁..thanks



陳耀海

2009-12-03 12:10:06
sisi

如果皮膚已經不再痕癢, 要立即停止使用類固醇 ( 因為只會對乾燥引起的濕疹有幫助), 切勿慣性使用

另外, 保濕功夫不妨多做一點; 防曬也是非常重要的

濕疹印是會自行減退的, 請放心和\"\"

請準時覆診

sisi

2009-12-04 21:04:39
陳耀海

thanks醫生..但係我一到室內就面好紅啦...好似\"\"<--甘樣...比同學笑我做咩咁熱~我上網睇過有d隻叫抗紅藥..可以同埋a酸一齊食...佢食左真係會冇咁紅嫁???我想試下..醫生你有冇試過開埋比d病人嫁??



陳耀海

2009-12-04 22:16:33
sisi

網上的資訊不能隨便相信, 切勿胡亂服用不是醫生處方的藥物, 以免產生不良藥物相亙影響

其實不必太過介意別人的看法, 在服用A酸的過程中, 有一部分人的而且確會較容易面紅, 最重要是做好保濕和防曬

只要有耐性和決心, 痤瘡問題才可以得到較持久和完善的控制

應該這樣想: "面頰有些紅潤總比通面痤瘡粉刺要優勝吧"\"\" 

要加油啊

 

sisi

2009-12-04 23:22:59
陳耀海

 "面頰有些紅潤總比通面痤瘡粉刺要優勝吧" <--甘又係的^^

咁我個療程大約仲要食幾耐嫁??唔該醫生..你好好人



陳耀海

2009-12-05 08:52:08
sisi

兩至三個月, 請準時覆診

sisi

2009-12-05 11:55:54
陳耀海

我見有d人話要食成年~等我仲係到擔心緊~好既~唔該醫生你~\"\"

sisi

2009-12-21 15:32:24
陳耀海

陳醫生..我呢排生左好多細細粒..好很..搽左藥高冇咁很..但留左好多紅印..明明我已經搽左cream保濕..又唔會話脫皮會干..

但佢都係咁生濕疹..搞到好多生粒粒戈陣時d皮膚咁差..我唔想再食藥啦..次次一面紅戈陣就會好似d血衝曬上頭到好辛苦

 



陳耀海

2009-12-21 20:04:08
sisi

請保持耐性, 皮膚痕是因為天氣溫度和濕度下降, 再加上閣下正在服用異維甲酸的緣故

閣下要隨著天氣濕度下降, 把塗用潤膚露或膏的次數提升(千萬不要嫌麻煩)

由於異維甲酸要服用到一定累積劑量效用才會持久, 所以不要輕言放棄, 以免前功盡棄呢

sisi

2009-12-21 20:09:59
陳耀海

但係點解會生返咁多細細粒既???變返好似之前未食戈陣咁....\"\"係最近呢幾日咁



陳耀海

2009-12-21 20:15:11
sisi

有一少部分痤瘡患者, 在服用異維甲酸後會有較長的清理粉刺期, 只要繼續完成療程, 這種情況最後是會消失的, 請千萬要保持信心和耐性

sisi

2009-12-21 20:19:06
陳耀海

OK " 唔該醫生

sisi

2010-01-10 14:53:15
陳耀海

陳醫生~

我已經冇食a酸十幾日了.但每日起身面(多數都係兩邊面)都有新既濕疹出.好痕.

但搽完醫生你開的類固醇藥膏之後會冇咁痕.但會留左一達達紅印同白色印.塊面好花.

我打算唔再食藥啦.我仲有7日藥係到.可唔可以退返嫁?

如果我遲d出返d面油.醫生可唔可以開d有果酸成份既skincare比我呀?我上網見到d人食完a酸都會用neostrasa既野.

但係我e+皮膚仲係好dry好sensitive..所以我e+都係做保濕咩都唔敢亂用..面紅既情況都持續緊..

期實停藥既問題我都諗左好耐嫁..不過真係見面豬日日都又痕又腫..已經唔想再食啦..

我遲幾日會黎覆診嫁啦..今次可能係最後一次黎覆診啦..

好高興識到陳醫生你..一個好有耐心既醫生..我成日上黎留言問野你都唔會嚴我煩\"\"\"\"



陳耀海

2010-01-10 19:55:53
sisi

未食完的A酸只要仍然未開封, 可以退回\"\"

另外, 由於閣下服A藥時間不足, 所以痤瘡的完善控制時間會沒有原本預期那麼長

至於由於服用A酸後引致的濕疹和乾燥, 在覆診時會再為閣下處理, 請放心

 

sisi

2010-01-15 13:04:47
陳耀海

呢幾日面生返d細細粒既粉次.but我又冇面油出返..都係好干..d粒粒仲有d痕.我都分唔清佢係濕疹定係粉次,都有面紅~

依家都唔知d皮膚點算,,,,好敏感><



陳耀海

2010-01-15 15:41:47
sisi

請及早回到醫生處覆診

另外, 請做好保濕和防曬

 

sisi

2010-01-15 19:32:10
陳耀海

我明天會黎覆診嫁啦..防曬..我好耐冇用啦..因為搽左..補保濕既話..有層野係皮膚到..之後搽左保濕既地方就紅曬..

不過我自己都有用"者"去防曬..^^明天見

sisi

2010-01-20 00:15:03
陳耀海

(綜合報道)

(星島日報報道)有些人害羞時面紅,冬日天氣乾燥,皮膚爆拆而面紅更是常見,不過如果長期「面紅」,尤其是女性,則要分外小心,因這極有可能是患上紅斑狼瘡症,俗稱「狼瘡」的先兆。文:Chris 部分圖片:星島圖片庫

  風濕科醫生郭文亮(上圖)指,如鼻梁和兩頰長期出現如蝴蝶狀紅斑,即有可能患上紅斑狼瘡症。此症患者因免疫系統失調而攻擊自身器官,患者以女性居多,男女患病比例為1 : 10,六成病者為十六至五十五歲女性。唯男性患者,病情大多嚴重且惡化速度較快。此症成因未明,難以預防,只知與內分泌、環境、濾過性病毒感染和遺傳基因有關,如父母為患者,子女染病的機會比普通人大十倍。

  另長期服食肺結核、高血壓、癲癇和暗瘡藥物,都可能引發紅斑狼瘡。紅斑狼瘡因應病情分為皮膚型紅斑狼瘡及系統性紅斑狼瘡,前者症狀較輕,多只影響皮膚出紅斑及關節發炎疼痛。後者症狀遍及全身,由皮膚、關節到各個內臟,如心、肺、腦等,均可同時出現發炎。東方人最常見是腎功能受損,太遲發現或惡化速度加快皆可致命。

  增患心血管病風險

  據早前中文大學醫學院內科及藥物治療學系,進行的心臟科和風濕科研究發現,紅斑狼瘡可增加心臟併發症的風險,其中以心包炎、心瓣增厚、心肌梗塞、血管粥樣硬化引發的冠心病,以及心臟衰竭最為常見。近四分一患者頸動脈內膜較常人增厚,六成半出現早期心臟功能異常,近三成患者同時出現早期心臟不正常收縮及舒張現象,故建議患者定期接受心血管超聲波檢查。另有研究發現,四成晚期患者會有肺動脈高壓問題,可引致嚴重氣促、肺部出血、出現血凝塊等徵狀。

  ■預早進行心血管檢查,可以減低狼瘡患者的死亡風險。

-------

 

陳醫生.我停左藥20日面都係咁紅呀.我好驚自己有埋[紅斑狼瘡症].

點樣先可以check到自己有冇呢個病嫁???



陳耀海

2010-01-20 09:19:12
sisi

紅斑狼瘡病可以透過血液檢查來確定, 普通科醫生也可以安排相關血液測試

sisi

2010-01-20 12:28:37
陳耀海

陳醫生你可以講比我驗呢個病知要CHECK D咩?

大約幾錢嫁?



陳耀海

2010-01-20 15:09:23
sisi

主要是檢查一些自身免疫系統抗体和補体蛋白的水平或指數如

ANA, RF, C3, C4等

sisi

2010-02-18 20:38:46
陳耀海

醫生..我2月開始皮膚成日敏感..出左好多又紅又腫又痕既粒粒,..塊面成日都好興~~我已經冇用類固醇啦..因為一搽就又腫又興..成人新年假都出唔到街

我唔知點算呀..我係我戈邊睇左e生..係皮膚敏感...食左d藥都好反反覆覆..即係朝早起身腫...下午又唔怕..之後夜晚又腫過,..

好辛苦呀..d皮膚比之前未食a酸變得超敏感...好down...已經用左好多$$~又比屋企人話我愈睇愈衰..:(我依家都唔知點做好....好絕望

 

比相更加嚴重~

 

 

img246.imageshack.us/img246/9859/dsc05646j.jpg

img41.imageshack.us/img41/4950/dsc00140he.jpg

img246.imageshack.us/img246/9859/dsc05646j.jpg



陳耀海

2010-02-18 21:25:07
sisi

從相片中所見, 有一部分是痤瘡復發, 亦有部分為濕疹

由於閣下並無完成整個內服A酸療程, 所以尋常痤瘡會較易復發; 另外, 由於天氣寒冷和乾燥關係, 皮膚容易出現濕疹, 請做好保濕以及切勿搔抓, 如果真的很癢的話, 就請到醫生處求診以便醫生處方止痕口服藥物, 當天氣回暖後, 皮膚痕癢的情況就會漸漸改善

sisi

2010-02-18 21:30:31
陳耀海

除左痕癢~仲要又紅又腫?點解會咁既.?

醫生開左cimetidine,cetinizie,loratachine

佢對濕疹有冇會嫁???



陳耀海

2010-02-18 21:41:52
sisi

從相片中所見, 紅疹主要由於濕疹所致(很大機會是濕度急降引起), 所以使用性質溫和的潤膚露潤膚至為重要

另外, 洗面和洗澡時切勿使用太熱的水

閣下所述三種藥物對濕疹都有療效, 亦是安全的藥物, 如果閣下持續覺得痕癢, 可以服用一段時間, 直至天氣回暖和濕度回升, 皮膚痕癢情況減低才停止服用; 可以的話, 儘量用內服止痕藥和皮膚保濕來減退皮膚痕癢, 外塗類固醇不能持續使用太長的時間

此外, 現時要暫停所有化粧品, 不必要的護膚品以及所有美容療程, 以免令皮膚痕癢進一步加劇

還有一點很重要的是, 負面情緒對濕疹和痤瘡都有不良影響, 請放鬆自己一下

至於尋常痤瘡方面, 由於閣下決定停止服用A酸, 要把痤瘡控制好的話, 難免要重新服用抗生素如四環素或者紅霉素等

sisi

2010-02-18 21:52:28
陳耀海

四環素 , 紅霉素

請問醫生我之前食既係隻?呢d藥可唔可以自己去藥房買?定係可以叫醫生開比我?一般要食幾耐嫁?

謝謝..係呀..一冬就會出紅疹..皮膚識應力好差..唔知點解...皮膚既問題真係好困擾我,,,\"\"



陳耀海

2010-02-18 22:03:17
sisi

在服用A酸之前, 本人處方給閣下的是紅霉素ERYTHROMYCIN 500毫克每天兩次, 但凡是抗生素, 都應該由醫生處方(這是香港一貫的做法)

其實天氣溫度和濕度持續處於低水平, 我自己的皮膚都出現濕疹呢, 所以並不只是你皮膚痕癢啊, 要樂觀面對, 現在我每天都需要塗很多潤膚露呢

另外要注意的是, 濕疹發作的時候, 不可以飲酒, 不要接觸動物, 要穿著全棉衣物, 亦要避開含有羊脂或大量人工或化學成分的潤膚產品

 

sisi

2010-02-19 00:04:52
陳耀海

醫生.如果我想食返抗生素會唔會同d過敏藥有相沖?同埋有濕疹食唔食得嫁,?

我e+保濕用緊physiogel lotion .佢有冇戈d人工化學既野呀,,?thz



陳耀海

2010-02-19 08:51:20
sisi

四環素或者紅霉素和閣下正在服用的三種抗組織胺沒有不良藥物相亙影響

閣下正在使用的潤膚露亦沒有問題, 請繼續使用

sisi

2010-05-14 23:10:06
陳耀海

陳醫生,好耐冇留言啦,

之前都留過言話皮膚停左A酸之後都係成日面紅,仲有好癢,成日出紅疹,到依家都係咁

我有KEEP住睇皮膚醫生。佢話我敏感性皮膚,類似濕疹既敏感。仲有體質都偏敏感~我抽埋血睇對咩食物敏感~

醫生次次都開類固醇我食,食左皮膚又冇事唔痕唔紅。一唔食戈陣又D疹粒又出返曬黎,仲開左支ELIDEL我用,

我斷斷續續咁都食左3個月~食到塊面好肥,仲有生粒粒,但醫生話佢係低劑量既類固醇。prednisolone5mg話小朋友都食得。

但係我唔想我一直係咁食類固醇。。我都唔係好清楚我塊面依家生D野係咩。好似真係有玫瑰座瘡。又紅又癢好密堆堆。

就黎搞到我有精神病><

 



陳耀海

2010-05-14 23:23:19
sisi

長期服用類固醇會有機會導至很多副作用如血壓上升, 面部肥伴, 体重增加, 易有糖尿, 增加白內障和青光眼機會,

增加骨質疏鬆, 胃潰瘍的機會, 亦會令到面上長出更多暗瘡  ==> 所以請勿長期服用類固醇

如果閣下面部有濕疹情況, ELIDEL 是可以幫助改善, 此藥亦不含類固醇

sisi

2010-05-14 23:26:28
陳耀海

陳醫生。咁除左類固醇外仲有冇其他藥物可以治療濕疹?真係好癢。。有時仲好興(熱)。。。

sisi

2010-05-14 23:44:58
陳耀海

咁我食左3個月算唔算長期呀????點樣可以令d類固醇快d排出體外呀????呢排發覺隻腳成日冇咩力好易咬柴...唔知關唔關事..仲有一次胃劇痛....由小到大都好小出現胃痛只會肚痛...

 



陳耀海

2010-05-14 23:55:17
sisi

請立即停止服用類固醇, 止癢方面可以使用抗組織胺

sisi

2010-05-15 00:05:48
陳耀海

之前陳醫生你開的hydroxyzine25mg,loratadine10mg可以食嗎?放左幾個月怕唔怕過期?1月16日開的



陳耀海

2010-05-15 09:45:24
sisi

如果這些藥物是妥善保存的話, 是可以服用的, 這些藥物比內服類固醇安全得多

sisi

2010-06-02 23:01:35
陳耀海

 

陳醫生..我e+皮膚成日都好痕..好痕既地方就會腫起紅色之後就起粒粒,一堆堆咁.塊面成日好興既感覺.仲有多粒粒

我唔知係粉次/濕疹/玫瑰痤瘡?

我之前有睇醫生.醫生開左Rozeal gel比我~Elidle比我~~但都對我冇咩效~依然塊面都好痕,又起粒粒

e+唔知我點做~.~   d皮膚真係搞到我好煩~~~~



陳耀海

2010-06-03 00:13:26
sisi

rozex 和 elidel 是不含類固醇, 長期塗用也可以, 請做好防曬和保濕

希望妳可以早日康復!

 

sisi

2010-06-03 17:06:02
陳耀海

陳醫生~~

D粒粒係咁嫁~會紅會痕..係咩黎嫁~?
 

好核突>< SORRY~~~

http://www.hk71.com/up/images/e/2053428429x1275556197.jpg

如果睇醫生..係咪要再食抗生素?

醫生開GE rozex 和 elidel 對我呢D粒粒有冇用?!(ELIDEL搽左冇咁痕)

如果D粒粒係暗瘡點解我搽A酸/C字頭戈隻暗瘡膏佢會痕+紅得仲西利??THX

今日比我哥哥話我爛面....好傷心~~~~

 



陳耀海

2010-06-03 17:28:12
sisi

從相片看來, 有機會是尋常痤瘡或者玫瑰痤瘡

閣下正在使用的藥膏可以繼續使用

請把C字頭和A字頭的藥物名字詳細寫出, 本人才可以作出建議

如果外塗藥物不能把病情控制, 便有需要服用抗生素一段時間

請不要太過介意別人的評論, 減少負面情緒對病情會有幫助

sisi

2010-06-03 17:32:52
陳耀海

differin,c-mycin 都係陳醫生你之前開的~

我之前睇陳醫生你話係尋常痤瘡.但我都驚緊係玫瑰痤瘡.因為皮膚變得好敏感~ rozex 係咪可以全面搽?謝謝~~



陳耀海

2010-06-03 17:55:18
sisi

閣下可以使用ROZEX + ELIDEL 組合

DIFFERIN 是外塗維甲酸, 主要用於治療粉刺, 如果閣下皮膚最近很敏感的話, 應該暫時停用

sisi

2010-06-03 18:09:24
陳耀海

ROZEX可以大面績咁搽嗎?

我有咁多粒粒係咪唔可以搽有油份既LOTION?

但係我唔搽LOTION又覺得唔舒服~仲痕得西利..但又怕有油份會塞毛孔~只搽B5好"麻麻"緊~

陳醫生你可唔可以解釋下是尋常痤瘡&玫瑰痤瘡有咩分別?患者有咩用注意??

麻煩曬!!!!!



陳耀海

2010-06-03 18:19:38
sisi

ROZEX 是可以大範圍塗用的

另外, 用B5 作保濕會比用油分重的LOTION 更適合閣下現時的皮膚情況

wa

2010-06-03 20:29:11

你同我之前好似...面濕疹長期查類固醇攪到敏感..出暗粒..紅疹..暗蒼..皮膚差..易面紅

試下用 protopic 查面(要醫生紙)+停食所有西藥同類固醇...轉食中藥

我都看左1年多西醫.不用藥又出返...Elidle我又係冇用..之後用protopic 就好有用2個月就好左好多

我都是這醫好左

 

sisi

2010-06-06 20:44:22
陳耀海

陳醫生,我想問rosacea呢種皮膚病係咪有左就一世都會有?!

面上成日會痕,之後就會出一堆有膿既細瘡,呢個情況洗唔洗食藥?

因為我已經無再去繼續去睇呢邊既皮膚醫生,佢話我唔係rosacea!係皮膚敏感引發出的粒粒~

sisi

2010-06-06 20:46:04
wa

︿︿唔該曬你既資料,我依家用緊rozex藥膏咋,elidle都冇咩點用,我唔敢亂買藥膏搽。。都係醫生開比我的。。



陳耀海

2010-06-06 21:31:29
sisi

玫瑰痤瘡的確不能"治斷尾", 但透過適當的治療和日常生活習慣的改變, 病情一般可以得到控制

如果面上出現有膿的丘疹病灶, 一般需要服藥才可以達到較明顯的病情控制

 

 

sisi

2010-06-06 21:37:01
陳耀海

陳醫生!!如果食藥既話係食咩藥?

我之前去個醫生成日開類固醇我食,但食左皮膚真係有好到~



陳耀海

2010-06-06 21:41:53
sisi

長期服用類固醇會有機會導至很多副作用如血壓上升, 面部肥伴, 体重增加, 易有糖尿, 增加白內障和青光眼機會,

增加骨質疏鬆, 胃潰瘍的機會, 亦會令到面上長出更多暗瘡  ==> 所以請勿長期服用類固醇

sisi

2010-06-06 21:45:35
陳耀海

收到~!!已經冇去睇戈個dr啦!

我打算考曬試7月再黎hk睇陳醫生你...好慘...由生粒粒變到e+有埋rosacea!!!有d 百般滋味在心頭既感覺!!

可能係我自己太care d皮膚~唉!!灰心~~



陳耀海

2010-06-06 21:54:01
sisi

請不要太灰心, 要緊記

1. 不要長期或者胡亂使用類固醇

2. 簡化皮膚護理為簡單清潔, 保濕和防曬, 避免使用化粧品, 護膚品和遮瑕膏

3. 不要喝含酒精類飲品和最好不要吸煙

4. 不要進食辛辣食物如辣椒, curry 和胡椒等

5. 待食物和飲品稍微降溫後才進食和飲用

6.  避開高溫局促的環境

7. 不要做太劇烈的運動, 做運動時可以挑選較涼快的地方, 以及中段稍事休息以減低体溫

8.  盡量減少情緒波動和要有充足休息

9. 避開猛烈陽光

sisi

2010-06-07 21:18:24
陳耀海

陳醫生,我想問申請左呢度張醫療卡,有冇得free診金?佢話只可以首次,覆診唔得~我之前睇過係咪都算叫覆診嫁??thanks!!!



Kenny Lo
MyDRDR 管理員

2010-06-08 10:13:36
sisi

 Dear sisi,

每一張新申請或續期的醫療咭都可享有首次診金支援 (但不是免費),我們應會員要求,純綷為會員提供首次診金支援的方便,但強調便宜並不是我們的宗旨。

以你情況而言,只要你成功申請醫療咭,可享有首次診金支援。

 

1) [ 按此觀看  (醫生支援計劃內容) ]

2) 歡迎加入我們的 Facebook,大家一起學習追求健康!
      
    \"\" 
http://www.facebook.com/MyDRDR

 
祝身體健康\"\"
Kenny Lo 管理員上
\"\"

醫生支援計劃熱線:3624 9393
管理員 Email : finddoctor@mydrdr.com
======================================================

MyDRDR 宗旨:細心、認真、有耐性、有醫德

\"\"

sisi

2010-06-10 22:12:23
陳耀海

陳醫生,隻夜晚藥高搽完有D笠痴痴..正常嗎???我成面搽..我連眼肚同眼尾都有痕粒粒,我搽埋得唔得嫁~?唔該晒~~

May Nar

2010-06-10 22:28:15
陳耀海

請問洗頭水中含有活膚鋅、吡硫翁鋅、維e、醋酸酯對頭皮癬可否有效醫治或改善?



陳耀海

2010-06-11 00:01:23
sisi

晚間塗用的藥膏可以塗在面部痕癢的地方, 只塗在患處, 不要大幅範圍塗用



陳耀海

2010-06-11 00:03:19
May Nar

由於沒有為閣下診治過, 所以不能隨便下結論閣下有什麼皮膚問題,

請不要購買坊間成藥胡亂塗用, 如果閣下皮膚問題持續, 請及早向皮膚專科醫生求診

sisi

2010-06-11 12:07:09
陳耀海

唔該陳醫生,好彩我有呢個網可以上黎問一問,我琴晚全面搽左=口=。。。

咁早上個支可以成面搽嗎?????唔該~~~



陳耀海

2010-06-11 15:10:52
sisi

早上那隻藥是塗在發紅和有"粒粒"的地方

不用擔心, 有什麼問題, 都一定要問清楚呵\"\"

ccf

2010-06-15 15:25:04
sisi

sisi你好...

本人亦有相同情況....想了解起更多...
希望可以得知你聯絡方法..( QQ...Msn . E-mail等...).

 

   

sisi

2010-07-06 00:22:49
陳耀海

陳醫生,差唔多一個月,就快要覆診啦

我講下我的情況先..

我係頭戈十日都幾好嫁..D粒粒退左..冇咁面紅..痕既問題都可以話冇..只係有DD甩皮..皮膚冇咩問題!

但KEEP左十日左右..(我有繼續搽藥高&食藥)

打算戈幾日到E+都差返...塊面成日都紅紅地+興~兩邊面又成日痕.痕完又出D不明粒粒...

係咪我對隻藥有抗藥性呢???搞到我好灰心aa....我唔想又食vit a酸....因為我食完之後塊面紅&痕既問題嚴重左...雖然戈陣係冇粒粒..

陳醫生仲有咩方法~~~\"\"

sisi

2010-07-06 00:23:36
ccf

sorry~我今日先上黎睇到你的留言..你可以留低你msn比我~~我add你~~^^



陳耀海

2010-07-06 08:20:55
sisi

最近天氣炎熱, 陽光猛烈, 對妳皮膚的情況不利, 所以可能會有輕微變差的情況, 不要灰心,

總會有好轉的一天\"\"  ==> 緊記要做好防曬

記得準時覆診

ccf

2010-07-07 20:04:34
sisi

stevenchiu1990@hotmail.com

sisi

2010-10-05 22:59:40
陳耀海

陳醫生...呢幾日...天氣轉涼左....塊面痕既問題西利左呀....之前其實都係....但範圍細d...d粒粒搽左protopic好快就退d....但呢幾日就變得差左.....不停起痕既粒粒.....係咪又要食返藥去控制返呀????.......我仲有d止痕藥未食晒.......可唔可以食嫁??hydrxyzine25mg



陳耀海

2010-10-05 23:03:08
sisi

當然可以服用HYDROXYZINE 來止痕

做好保濕, 千萬不要搔抓喔!

sisi

2010-10-05 23:05:28
陳耀海

唔該晒陳醫生咁快就覆左我呀~\"\"天氣凍左你都要保重身體呀!



陳耀海

2010-10-05 23:07:14
sisi

雖然係涼左少少, 但係香港仲係好熱!\"\"

sisi

2010-10-05 23:12:49
陳耀海

澳門呢邊比較涼爽...有ROSECEA 好似天氣凍D又唔得....熱D又唔得....好麻煩..........



陳耀海

2010-10-05 23:30:59
sisi

其實天氣涼D對玫瑰痤瘡患者有正面影響, 只要做好保濕便可



陳耀海

2010-10-05 23:31:02
sisi

其實天氣涼D對玫瑰痤瘡患者有正面影響, 只要做好保濕便可

sisi

2010-10-05 23:32:41
陳耀海

"正面影響"\"\" Thanks dr.chan你的耐心...

sisi

2011-01-30 22:57:40
陳耀海

陳醫生..又係我啦~~~你地診所2月新年後幾號開診??

我又出左好多痕既粒粒...去室內面又好紅好慶...我有繼續搽陳醫生你開的0.1protopic藥高

皮膚經常好痕好煩惱!唔該陳醫生



陳耀海

2011-01-30 23:18:45
sisi

天氣乾燥, 緊記要做好保濕

儘量不要搔抓或者粗暴對待自己的皮膚喔

閣下可以致電診所預約覆診一下

sisi

2014-02-06 20:32:12
陳耀海

 陳醫生,你診所幾時開診

最近又反發,皮膚成日好痕出一堆粒粒,持續左成個月啦!

睇黎又要再黎睇醫生啦!

 

sisi

2014-02-11 07:31:15
陳耀海

 陳醫生,今日嚴重左仲生落埋條頸到,又痕又興,d藥好似對我5多止痕,好擔心阿!



陳耀海

2014-02-11 16:08:10
sisi

 一般要使用藥物一段時間後才開始見效

請不要搔抓以及繼續使用藥物,保持耐性

另外,請緊記準時覆診

sisi

2014-06-10 04:51:20
陳耀海

 陳醫生,又係我拉。

我皮膚都係好痕好熱起粒粒,我四月之後無覆診,因為我覺得皮膚無點好到仲越來越差,

5知係咪我對隻抗生素敏感定點?兩次覆診拎完藥無幾耐就陰道炎,醫生話念珠菌多,不過好快就好。

我5月中係澳門呢邊有睇皮膚科,佢話我敏感,我耳仔好熱佢話我濕疹,開左d類固醇藥我食,但又係食藥就無事5痕同紅,

一停藥就又痕起粒粒,我記得你話類固醇5可以長期食!但一復發起我又無得即時來香港睇醫生

玫瑰痤瘡係咪無得醫???好擔心!



陳耀海

2014-06-10 15:57:29
sisi

 玫瑰痤瘡的而且確難以根治

天氣炎熱和陽光猛烈都是玫瑰痤瘡的惡化因素,所以緊記做好防曬和避免逗留在焗熱的地方;另外,情緒緊張亦會令玫瑰痤瘡變得不穏定
註:請勿長期依賴類固醇來控制病情
eric ng

2014-07-15 21:03:35
陳耀海

 Hi Doctor Chan,

 

I would like to refill the prescription for propecia, can I have your office email address again?

 

Thanks,

Eric Ng


If you need to contact our honorary medical advisors, please email to :
若需聯絡我們的義務醫療顧問,可電郵至 :
finddoctor@mydrdr.com





>> 前往「問問醫生討論區」總目錄

快速回應

本區只限一般會員、醫務人員及相關的義務顧問醫生發表討論

 

 使用條款   免責聲明   私隱政策 制服 UNIFORM 貨架 帳篷 手推車 膠箱批發 反光衣 交通設備 雪糕筒 pvc雨衣 圍欄 雞煲 米線 魚窩 雞鍋 帳篷公司 鋁梯 膠箱 marquee 餐車 平板車 手推車 日本手推車 安全用品 安全設備 物流箱 反光衣 安全帽 膠圍欄 雨衣 水鞋 Safety Vest 雨褸 反光帶 電腦 computer maintenance computer service 電腦保養 電腦顧問 電腦公司 電話錄音 電腦服務 it 支援服務 IT Outsourcing 雲端備份服務 手提電話訊號放大器 Lenovo 聯想電腦 無線上網系統 後備電子郵件系統 Backup MX Exchange Server 2013 中港- VPN 襟章 人名牌 職員名牌 亞加力襟章 磁石襟章 掛繩 頸繩 証件套 展示牌 金屬襟章 Name badge 即用襟章 指示牌 襟章套裝 Event management
© 2007 MyDRDR.com. All Rights Reserved.